ഐനോ - കലേവലയിലെ ദുരന്തനായിക
The tragic tale of Aino ഐനോ - കലേവലയിലെ ദുരന്തനായിക ഫിന്നിഷ് സാഹിത്യത്തിലെ ഏറ്റവും പ്രശസ്തവും വ്യാപകമായി വിവർത്തനം ചെയ്യപ്പെട്ടതുമായ കൃതിയാണ് ഏലിയാസ് ലോൺറോട്ട് എഴുതിയ കലേവല. ഫിൻലാണ്ടിന്റെ ദേശീയേതിഹാസമായ കലേവല കവിതാരൂപത്തിലുള്ള ഒരു പുരാണകഥയാണ്. മാനുഷികമായ ബലഹീനതകളും ദൗര്ബല്യങ്ങളുമുള്ള കലേവലയിലെ വീരന്മാരുടെ സന്തോഷവും സങ്കടവും നിറഞ്ഞ കഥകളാണവ. നാടോടിപ്പാട്ടുകളുടെ രൂപത്തിൽ ചിതറിയ ശകലങ്ങളായി ജനങ്ങളുടെ മനസ്സിൽ നിന്നും നാവിൽ നിന്നും മാഞ്ഞു പോയിക്കൊണ്ടിരിക്കെയാണ് ഏലിയാസ് ലോൺറോട് അവയെല്ലാം ശേഖരിച്ചു അതിമനോഹരമായ ഒരു ഇതിവൃത്തവും കഥയും നിർമ്മിച്ചത്. ഫിൻലാൻഡിലും പുറത്തും ഉള്ള കലാകാരന്മാർ, എഴുത്തുകാർ, സംഗീതജ്ഞർ, നർത്തകർ, അഭിനേതാക്കൾ എന്നിവരെല്ലാം ഈ കൃതിയിൽ നിന്നും പ്രചോദനം ഉൾക്കൊള്ളുകയും പുനരാവിഷ്കരിക്കുകയും ചെയ്തിട്ടുണ്ട്. ഏലിയാസ് ലോൺറോട്ട് 1835 ഫെബ്രുവരി 28 ന് കലേവാലയുടെ ആമുഖത്തിൽ ഒപ്പിട്ടു. അത് കൊണ്ട് തന്നെ ഫെബ്രുവരി 28 കലേവലദിനമായി ഫിൻലണ്ടിൽ ആഘോഷിക്കുന്നു. കലേവലയിലെയും പൊഹ്യോളയിലെയും ജനങ്ങളുടെ പരസ്പരസംഘർഷവും അതിജീവനവും രേഖപ്പെടുത്തുന്ന ഈ കൃതിയിലെെ ഭാഷ വൈവിധ്യവും സമ്പന്നവുമാണ്. മാന്ത്രിക